Imam Empowerment Program
ഇമാമുമാർ മുന്നിൽ നിന്ന് നയിക്കേണ്ടവരാണ്. സമൂഹത്തെ വഴി നടത്തേണ്ടവർ. മത വിജ്ഞാനീയങ്ങളോടൊപ്പം ശാസ്ത്രീയവും കാലികവുമായ അറിവുകളും നൈപുണികളും ഇമാമുമാർ ആർജ്ജിക്കേണ്ടതുണ്ട്. സമൂഹത്തിന് എല്ലാ വിഷയങ്ങളിലും ആശ്രയമായി ഇമാമുമാർ മാറണം. ഇതിനായി 'ഹിക്മ' തയ്യാറാക്കിയ ഒരു വർഷത്തെ കോഴ്സാണിത്. ഇതിനെത്തുടർന്ന്, ഡിപ്ലോമ ഇൻ ട്രാൻസ്ഫോർമേഷണൽ ലീഡർഷിപ്പ്, ഗ്രാജ്വേഷൻ ആൻറ് പ്രാക്റ്റീഷണർ ഇൻ കൗണ്സിലിങ് ആൻ്റ് തെറാപ്പി എന്നീ കോഴ്സുകളും 'ഹിക്മ' ആവിഷ്കരിച്ചു.
ചെമ്മാട് ദാറുൽ ഹുദാ ഇസ്ലാമിക് യൂണിവേഴ്സിറ്റിയിലും കോഴിക്കോട് ഹൈസൺ ഹെറിറ്റേജിൽ വെച്ചും നടന്ന കോൺവെക്കേഷൻ പ്രോഗ്രാമുകൾ ചരിത്രമായി മാറി. കേരള വഖഫ് ബോർഡ്, സംസ്ഥാന മൈനോരിറ്റി ഡിപ്പാർട്ട്മെൻറ്, കാലിക്കറ്റ് യൂണിവേഴ്സിറ്റിയിലെ സി.എച്ച്.ചെയർ, ഇസ്ലാമിക് സ്റ്റഡീസ്, സൈക്കോളജി ഡിപ്പാർട്ടുമെൻ്റുകൾ, ദാറുൽ ഹുദാ ഇസ്ലാമിക് യൂണിവേഴ്സിറ്റി, എം.എസ്.എസ്, സിജി തുടങ്ങിയവയുടെ പ്രതിനിധികളുടെ സാന്നിധ്യം കൊണ്ട് ധന്യമായിരുന്നു ഹൈസണിലെ പരിപാടി.
തിരുവനന്തപുരം, കോട്ടയം, വടകര, കണ്ണൂർ, തളിപ്പറമ്പ്, പാപ്പിനിശ്ശേരി, മംഗലാപുരം തുടങ്ങി വിവിധ ഭാഗങ്ങളിലായി നിരവധി ബാച്ചുകൾ ഈ സർട്ടിഫിക്കറ്റ് കോഴ്സ് പൂർത്തിയാക്കിക്കഴിഞ്ഞു.
ഇമാം എംപവർമെൻ്റ് പ്രോഗ്രാം കോഴ്സ് വർക്ക്
- 1) വ്യത്യസ്ത വിഷയങ്ങളിലുള്ള ക്ലാസുകൾ.
- A ) ജനറൽ സൈകോളജി, കൗൺസിലിങ് സ്കിൽസ്.
- B) പൊതു പ്രവർത്തനത്തിലെ പ്രൊഫഷണലിസം.
- C) നേതൃ പാടവം.
- D) കമ്മ്യൂണിക്കേറ്റീവ് ഇംഗ്ലീഷ്.
- E) കമ്പ്യൂട്ടർ സാക്ഷരത.
- F) ഇസ്ലാമിക ചരിത്രം.
- G) ആധുനിക കർമ ശാസ്ത്രം.
- H) ഇഫക്ടീവ് പബ്ലിക് സ്പീകിങ്.
- 2. അസൈൻമെൻ്റുകൾ.
- 3. പ്രൊജക്ടുകൾ.
'ഹിക്മ'യുടെ ചരിത്രത്തിലെ പ്രധാനപ്പെട്ട ഒരു നാഴികക്കല്ലായിരുന്നു ചെമ്മാട് ദാറുൽ ഹുദാ ഇസ്ലാമിക് യൂണിവേഴ്സിറ്റിയിൽ വെച്ച് നടന്ന ബിരുദദാനവും ദാറുൽ ഹുദാ വിദൂര വിദ്യാഭ്യാസ വിഭാഗത്തിന് കീഴിൽ ഒരു വർഷത്തെ ഇമാം ഡിപ്ലോമ കോഴ്സിൻ്റെ ലോഞ്ചിങും മഹല്ല് ശാക്തീകരണ സെമിനാറും. ഫാപിൻസിൻ്റെയും ദാറുൽ ഹുദായുടെയും സംയുക്താഭിമുഖ്യത്തിൽ, 2012 ജനുവരി 18 ന് നടന്ന പരിപാടി പ്രമുഖരുടെ സാന്നിധ്യം കൊണ്ടും ക്രിയാത്മകമായ ചർച്ചകൾ കൊണ്ടും ധന്യമായിരുന്നു. 'മഹല്ല് ശാക്തീകരണം: ആവശ്യകതയും പ്രായോഗികതയും' എന്ന ശീർഷകത്തിൽ നടന്ന സെമിനാറിൽ ഫരീദ് റഹ്മാനി കാളികാവ് (മോഡൽ ഇമാം), മീഞ്ചന്ത ആർട്സ് ആൻറ് സയൻസ് കോളേജിലെ സ്റ്റാറ്റിസ്റ്റിക്സ് വിഭാഗം തലവൻ ഇസഡ്.എ.അശ്റഫ് (മഹല്ലിലെ വിദ്യാഭ്യാസം), ദാറുൽ ഹുദാ ആന്ധ്ര ഓഫ് കാമ്പസ് പ്രിൻസിപ്പൾ ശറഫുദ്ദീൻ ഹുദവി ആനമങ്ങാട് (മഹല്ലിലെ ദഅവത്), എടവനക്കാട് ഇസ്ലാമിക് വെൽഫെയർ ഫണ്ട് പ്രതിനിധി മാഹിൻ എടവനക്കാട് (മൈക്രോഫിനാൻസ്), മുനീർ.വി.ഹുദവി (മോഡൽ മഹൽ ) എന്നിവർ വിഷയാവതരണങ്ങൾ നടത്തി. ഓണമ്പിള്ളി മുഹമ്മദ് ഫൈസി മോഡറേറ്ററായിരുന്നു. സമാപന സെഷൻ മർഹൂം ശൈഖുനാ ചെറുശ്ശേരി സൈനുദ്ദീൻ മുസ്ലിയാരുടെ അധ്യക്ഷതയിൽ പാണക്കാട് സയ്യിദ് ഹൈദരലി ശിഹാബ് തങ്ങൾ ഉൽഘാടനം ചെയ്തു. ഇമാം ഡിപ്ലോമ കോഴ്സിൻ്റെ ലോഞ്ചിങും 'ഹിക്മ ' ബിരുദദാനവും തങ്ങൾ നിർവഹിച്ചു. ഡോ.ബഹാഉദ്ദീൻ നദ്വി മുഖ്യ പ്രഭാഷകനായിരുന്നു. കേരള വഖഫ് ബോർഡ് ചെയർമാൻ അഡ്വ.സൈതാലിക്കുട്ടി, മെമ്പർ എം.സി.മായിൻ ഹാജി, ഡോ.പി.നസീർ ( ഡയറക്ടർ, മൈനോരിറ്റി വെൽഫെയർ ഡിപ്പാർട്ട്മെൻ്റ് ), അഡ്വ.ജമാൽ (കേരള വഖഫ് ബോർഡ് സെക്രട്ടറി), കെ.സി.മുഹമ്മദ് ബാഖവി (പി. ജി. ഡീൻ, ദാറുൽ ഹുദാ ), ഡോ.എൻ.വി.കബീർ, സി.ടി.അബ്ദുൾ ഖാദർ, സാജിഹു ശമീർ അസ്ഹരി തുടങ്ങിയവർ പങ്കെടുത്തു.
| Sl No | Category | Programmes |
|---|---|---|
| 1 | Advanced General Psychology |
|
| 2 | Counsellling Skills |
|
| 3 | Methods of Community Organizing |
|
| 4 | Leadership Skills |
|
| 5 | skills of public addressing |
|
| 6 | Foundation in Communicative English and E- literacy |
|
| 7 | Contemporary Islamic studies |
|